جامعہ بنوریہ عالمیہ کا تعارف

جامعہ بنوریہ عالمیہ ایک عظیم دینی و عصری تعلیمی، تربیتی مشنری ادارہ ہے۔ جس کی خدمات پاکستان کے طول و عرض سمیت دنیا بھر میں پھیلی ہوئی ہیں۔ جس میں نو عمر بچوں اور بچیوں کے لئے اسلام کی بنیادی تعلیم و تربیت سے لے کر اعلیٰ تعلیم اور اختصاصی لیول (اسپیشل کورسز تک معیاری تعلیم دی جاتی ہے۔ دینی تعلیم کے ساتھ ساتھ عصری تعلیم کا بھی معقول اور منفرد نظام ہے۔ تعلیم بالغان کا بندوبست ہے۔ طلبہ کی تعلیم کے ساتھ ان کی رہائش، علاج اور طعام نیز سکالر شپ کا بھی انتظام ہے۔ عوام الناس کے شرعی مسائل کے حل کے لیے دار الافتا والقضا کا جدید تقاضوں سے ہم آہنگ شعبہ مصروف عمل ہے جس میں مسائل کے زبانی اور تحریری جوابات کے علاوہ فریقین کے تنازعات کے عملی حل کا بھی باقاعدہ سلسلہ ہے۔ آن لائن مسائل پوچھنے والوں کو باقاعدہ فتوی دیا جاتا ہے تیموں اور نو مسلموں کی تعلیم کے علاوہ ان کی مختلف اور گوناگوں مشکلات حل کرنے کے لیے قانونی اور معاشرتی جنگ بھی ادارہ لڑتا ہے۔ اسائندہ ہ کرام اور ر عملے کی رہائش گاہوں کے کے ساتھ بیرون ملک سے سے سے تعو تعلق رکھنے والوں کو فیملیز رکھنے کی سہولت دی گئی ہے اور ان کو پاکیزہ دینی ماحول میں اسلامی تعلیم و تربیت فراہم کی جاتی ہے۔ غریب اور مستحق افراد کی ہر ممکن مدد ہوتی ہے۔ 2۔ جامعہ میں اس وقت 5 ہزار سے زائد طلبہ اور طالبات تعلیم حاصل کر رہے ہیں۔ جامعہ بنوریہ عالمیہ میں 63 شعبہ جات اپنا کام سر انجام دے رہے ہیں، جن میں تعلیمی شعبہ جات کے علاوہ ویلفیئر، انتظامی اور مالیاتی جیسے اداروں کے ساتھ جدید ترین شعبہ جات مثلاً کوالٹی ایشورینس اور پرفارمنس مینجمنٹ سسٹم بھی اپنا کام سر انجام دے رہے ہیں۔ ملکی اور بین الاقوامی طور پر جامعہ سے منسلک در جنوں ادارے اور مساجد خدمات دینیہ میں مصروف ہیں۔ 2021ء میں جامعہ بنوریہ عالمیہ کو بین الاقوامی بورڈ کا درجہ دے دیا گیا ہے، جس کی وجہ سے اس کی جاری کردہ اسناد نہ صرف ملکی ، بلکہ بین الاقوامی سطح پر تسلیم شدہ ہیں۔ 3۔ جامعہ بنوریہ عالمیہ میں زیرتعلیم طلبہ کاتعلق دنیا کے 63 ممالک سے ہے، جس میں امریکا، برطانیہ، جرمنی، سعودیہ، متحدہ عرب امارات، روس، ایران ، تاجکستان، کمبوڈیا، فرانس، ملائشیا، جبوتی، انڈونیشیا، کینیڈا ، تھائی لینڈ، جاپان ، ساؤتھ افریقہ، موزمبیق ، قطر ، یوگنڈا، کویت، سری لنکا ، مالدیپ، بنگلہ دیش، کرغستان، نیپال، ترکی، عمان، چائنا، صومالیہ، نائجیریا، افغانستان، اٹلی، سوڈان، الجیریا، قزاقستان،گھانا، کوموروشین، سریلیون، البانیا، مصر، فجی، آئر لینڈ، ویسٹ انڈیز، کینیا، فلپائن، کانگو، آسٹریلیا، گنی بساؤ، پیرو، ٹرینیڈاڈ ، ٹوباگو، اردن اور دیگر ممالک کے طلبہ زیرتعلیم ہیں، جو ہمارے ملک پاکستان اور جامعہ بنوریہ عالمیہ کے لئے ایک منفرد اعزاز ہے۔

پروگرام کا تعارف(Introduction)

اس پروگرام کا نام" ڈپلومہ اِن ٹیچرایجوکیشن اینڈ ٹریننگ " ہے۔ یہ ایک سالہ پروگرام ہے جو تین سمسٹرز پر مشتمل ہے۔ اس پروگرام کے نصاب میں پانچ لازمی مضامین ، پانچ پروفیشنل مضامین اور ایک ریسرچ پروجیکٹ شامل ہے۔لازمی مضامین میں عربی ادب وعربی وقواعد (صرف ونحو) ، علوم القرآن(تفسیر واصول تفسیر)، علوم الحدیث (حدیث واصول حدیث)، علوم الفقہ (فقہ واصول فقہ ) ،سیرت النبی ﷺ اور اسلامی تاریخ وتہذیب " شامل ہیں۔ پروفیشنل مضامین میں "کریٹیکل تھنکنگ، کمیونیکیشن اینڈ لرننگ اسکلز، طریقہ ہائے تدریس، ریسرچ میتھڈ اینڈ رپورٹ رائٹنگ ، اسیسمنٹ، جائزہ اور تعلیمی نفسیات " شامل ہیں۔ پروفیشنل مضامین کے ذریعے طلبائے کرام کو لازمی مضامین کے پڑھانے کا طریقہ کار سکھایا جائے گا اور پھر عملی طور پر ان کے پڑھانے کا مشاہدہ کیا جائے گا۔یہ ڈپلومہ پروگرام مدارس دینیہ کے علمائے کرام کی پروفیشنل ترتیب اور کارکردگی کے معیار کو بہتر بنانے کیلئے نہایت ہی گراں قدر اور مفید ہے ۔

اغرا ض و مقاصد (Objectives)

پروگرام کے مندرجہ ذیل مقاصد ہیں:

• قومی اور علاقائی سطح پر درپیش مسائل اور ایجوکیشن سسٹم کو سمجھنے کے قابل ہونا
• تعلیم کے ماحصل (Outcomes) اور اس کی متعلقہ پریکٹسزسے آگاہی حاصل کرنا
• اس قابل بنانا کہ وہ بآسانی کسی بھی مکتبہ فکر کے ماننے والوں کو بغیر کسی تعصب کے اپنے علم کو پہنچا سکیں
• طلبہ کو اس قابل بنانا کہ وہ انفارمیشن اینڈ کمیونیکیشن ٹیکنالوجی (ICT) کو بروئے کار لاتے ہوئے تدریس اور تحقیق (Research) میں بہتری لاسکیں
• نصاب سازی اور اس پر عمل درآمد کے ساتھ ساتھ نصاب کا تجزیہ اور اسیسمنٹ تکنیکس(assessment techniques) کی بنیادی تعلیم دینا
• تحقیق (Research)کے طریقے اور رپورٹ رائٹنگ (مقالہ نگاری وغیرہ) کا مناسب علم دینا
• پیشے کے طور پر تدریس کی مختلف جہتوں کو سمجھنے کے قابل بنانا
• طلبہ کے تعلیمی مسائل کا حل، ڈسیشن میکنگ اور کلاس روم مینجمنٹ سکھانا
• تنوع (Diversity)اور ایجیلیٹی (Agility)کی مختلف جہات سے آگاہی فراہم کرنا

ہم نصابی سرگرمیاں (Co-curricular Activities)

جامعہ بنوریہ عالمیہ کے تحت طلبہ کو ڈپلومہ اِن ٹیچرایجوکیشن اینڈ ٹریننگ کی نصابی سرگرمیوں سے ہم آہنگ کرنے کیلئے ہم نصابی سرگرمیوں پر بھی توجہ دی جاتی ہے جس کے مطابق طلبہ کو مختلف مدارس اور اسکولز وکالجز کا وزٹ کرواکر وہاں کے کلچر، سرگرمیوں اور تعلیمی ماحول سے آگہی دی جاتی ہے۔اسلامک ایجوکیشن کے مختلف علوم وفنون کی طریقہ ہائے تدریس کو سیکھنے کیلئے انہیں متعلقہ ماہرین کے لیکچرز میں شریک کیا جاتا ہے، تاکہ وہ ان ماہرین کے پڑھانے کا انداز دیکھ سکیں اور اس کے مطابق اپنی صلاحیتوں کو بہتر بناسکیں۔اس حوالے سے طلبہ کی ماہرین فن کے ساتھ علیحدہ سیشنز (sessions ) بھی رکھے جاتے ہیں، تاکہ ماہرین کی طرف سے دی جانے والی اہم باتوں کو طلبہ ذہن نشین کرسکیں اور فن کے حوالے سے جو بھی اشکالات یا سوالات ہوں،ان کا ماہرین سے تشفی بخش جواب حاصل کرسکیں۔ہم نصابی سرگرمیوں کے دوران طلبہ کو ایک شارٹ روپورٹنگ پروجیکٹ بھی دیا جاتا ہے، تاکہ وہ تعلیمی اداروں کے سروے سے مختلف نتائج اخذ کرسکیں اور بہتر تجاویز بھی پیش کرسکیں۔